Proxecto Medidor Ambiental 2021

Nestes últimos tempos todos oimos falar de termos como ventilación cruzada, ACH ou ppm de CO2. Desde o comezo da pandemia os científicos teñen investigado arreo sobre a propagación do coronavirus a través do aire, porén aínda falta moita información sobre o tema. Para axudar neste esforzo común o Departamento de Electrónica do IES Escolas Proval, o IES Val Miñor e a empresa empresa Hermes Smart Control solicitamos á Consellería de Educación un Proxecto de Innovación en FP que consiste na posta en marcha dunha rede de medidores nas aulas con distintos prototipos feitos polos departamentos de Electrónica e Tecnoloxía, coa colaboración do departamento de Física e Química para a definición de protocolos e análise de resultados. Son prototipos conectados á rede, illados, con pantalla ou sen ela, que miden varios parámetros como dióxido de carbono, temperatura, humidade ou luz ambiente, con alarma vía web e incluso que envían información por Telegram. O alumnado tamén participa no deseño e montaxe dos prototipos e no estudo da información recollida. O IES Proval actúa como centro de desenvolvemento e ensaios, a empresa creará o seus propios medidores e explorará a viabilidade comercial do sistema e o Val Miñor aportará traballos previos e tamén servirá de centro de ensaios. A concesión do proxecto e o orzamento asociado permite mellorar o sistema, estender a rede de medida e facer actividades de divulgación.

Os medidores xa están en funcionamento e os datos poden consultarse na web: http://codos.meteoproval.es

Difusión do proxecto en medios de comunicación:

http://hsci.info/hsci2021/templates/protostar/images/cab_site.png

En xullo de 2021 o Proxecto foi presentado no Congreso Hands-on Science que nesta ocasión foi en formato online. A continuación poñemos a información do congreso e a nosa presentación e vídeo:

No hay ninguna descripción de la foto disponible.

En outubro de 2021 levamos o Proxecto Medidor Ambiental ao Congreso LACLO celebrado (virtualmente) en Arequipa, Perú. O título da ponencia foi “Cooperative and interdisciplinary project of carbon dioxide measurements for high school students”. As actas do congreso están dispoñibles no repositorio IEEEXplore.

E para rematar, dous artigos relacionados co Proxecto Medidor Ambiental presentaronse no XV Congreso Internacional de Tecnoloxía, Aprendizaxe e Ensino da Electrónica (TAEE 2022) celebrado en Teruel do 29 de xuño ao 1 de xullo de 2022. Este congreso bianual reúne a case 200 poñentes de universidades e centros de investigación de numerosos paises de Europa e América.

Publicado en Congresos, Documentos, Publicacións | Deixa un comentario

Eclipse 20 de marzo de 2015

O 20 de marzo de 2015 houbo un eclipse parcial de sol que se puido observar en Galicia entre as 9 a 11 da mañá (8 e 10 UTC). A estación meteoproval rexistróu as variacións de temperatura e radiación solar causadas polo eclipse, que se poden observar nas gráficas axuntas:

Publicado en Documentos, Meteoroloxía | Deixa un comentario

Playing with water and photovoltaics: a serious game at the developing world

Artigo sobre o deseño e construción de dúas aplicacións de bombeo solar: un sistema de rego e unha fonte para actividades didácticas. Presentado no congreso HSCI 2012 celebrado en Antalya (Turquía) en outubro de 2012:

Publicado en Congresos, Documentos, Electrificación Solar, Obradoiros | Deixa un comentario

Congreso Ibérico de Enerxía Solar (CIES 2012)

Pósters presentados no congreso CIES 2012 e artigos publicados nas actas: “Red complementaria de baja tensión para integración progresiva de fuentes renovables” e “Recuperación de molinos hidráulicos tradicionales como contrales energéticas renovables para iluminación

Publicado en Congresos, Documentos, Electrificación Solar, Enerxías Tradicionais | Deixa un comentario

Congreso Tecnoloxías Aplicadas á Ensinanza da Electrónica (TAEE 2012)

Ponencias presentadas no Congreso TAEE 2012: “Arquitectura modular con microcontrolador para prácticas avanzadas de electrónica” e “Sistema de instrumentación virtual de código aberto e baixo custo para ensino da electrónica”:

 

Publicado en Congresos, Publicacións | Deixa un comentario

Design and construction of solar ovens: a practical approach to greenhouse effect and climate change

Publicación presentada no congreso MPTL-HSCI celebrado en Ljubljana (Eslovenia) do 15 ó 17 de setembro de 2011:

Publicado en Congresos, Documentos, Publicacións | Deixa un comentario

Tipoloxías de construccións tradicionais e os seus aproveitamentos enerxéticos

Presentación “Tipoloxías de construccións tradicionais e os seus aproveitamentos enerxéticos”, sobre construccións tradicionais no Val Miñor e os concellos veciños de Vigo e Tomiño. Percorrido actual polos elementos conservados. Elaborada para o curso de formación de profesorado “Aplicacións tradicionais e innovadoras da enerxía solar” celebrado en Nigrán nos primeiros meses de 2011:

Publicado en Cursos, Documentos, Enerxías Tradicionais | Deixa un comentario

Solar oven with heat-pipe vacuum tubes for ease of architectonic integration

Artigo sobre un prototipo de forno solar vertical con tubos de baleiro pensado para integración en vivendas ou edificios. Presentado no congreso ISES 2011 celebrado en Kassel (Alemaña):

Publicado en Cociña Solar, Congresos, Documentos, Publicacións | Deixa un comentario

Design and construction of a low cost offset parabolic solar concentrator for solar cooking in rural areas

Artigo sobre o proceso de deseño e construción dunha cociña solar parabólica de tipo offset. Presentado no congreso ISES 2011 celebrado en Kassel (Alemaña):

Publicado en Cociña Solar, Congresos, Documentos, Publicacións | Deixa un comentario

Unidade Didáctica “Enerxías do pasado e do futuro”

Unidade Didáctica feita por Montserrat Rodríguez Paz sobre a enerxía na historia. Forma parte do traballo “Enerxías do pasado e do futuro”. Enlaces:

Publicado en Documentos, Enerxías Tradicionais, Unidades Didácticas | Deixa un comentario